එදා මෙදා තුර කදුළට විවරවු
දෑස් පියන් පත් කවුළු වසා
ළයේ ගලා ගිය සෙනේහයේ සුව
සිනා පිරෑ රත් දෙතොල් පියා
මිලාන වී ගිය රෝස කුසුම් පෙති
කම්මුල් සුදුමැලි පාට පොවා
දෑත ළයේ බැද අවසන් ගමනට
සොදුරිය මට නොකියාම ගියා
දෑස් කව්ළුපත් පලා කදුළු කැට
වෑහෙද්දී මගේ දෑස් අගින්
කාත් කව්රුවත් වෙතත් හිතයි මට
පාත් වෙන්න ඔය මුවට උඩින්
ඈත්ව යන්නට සමුගෙන කව්රුත්
ඔබෙ මුව දොවතත් සුවද පැනින්
මාත් මගේ සිතටත් ඔබ සුවදයි
ඈත් නොවේමැයි ඒ සුවදින්
ඊයේ ඉපදී අද මිය යන්නට
පෙරුම් පුරාගෙන උපන් ළයේ
හීයේ වේගෙන් අහස උසට බැදි
ආදර ලෝකය හෙටත් තියේ
ඒත් ඉතින් අද සොදුරිය ඔබ නැත
ඇයි මේ ලොව මා තනිව ගියේ
ආයේ දවසක එක සිත් ඇත්තන් වී
අප ඉපදෙමු එකට ප්‍රියේ
තම පෙම්වතියගේ අකල් වියෝවෙන් සිත් තැවුලට පත් මේ පෙම්වතා ඔහුගේ සිතැගි පලකර තිබෙන්නේ කෙතරම් සංවේදීවද කියා මෙම ගීතය වරක් හෝ ශ්‍රවණය කල සහෘදයෙකුට නම් එය මනාව වැටහෙනු නොඅනුමානය.
මට වැටහෙන අයුරින් නම් මෙම පෙම්වතිය සියදිවිහානි කරගෙන තිබේ . පෙම්වතාට එදා තම පෙම්වතිය හා ගත කල ඒ සොදුරු සමය ස්මරණය වන සෑම මොහොතකම ඔහුගේ දෙනෙත් අගින් රෑරා වැටෙන කදුළු බිදුවලින් සංකේතවත් කරන්නේ ඔහු තම පෙම්වතියට දැඩිව ඇලුම් කර ඇති බවයි. ඇයගේ වෙන්වීම ඔහුට දැඩි ශෝකය දනවන්නක් විය. ඔහු තම හැගීම් ආයාසයෙන් පාලනය කරගන්නා බව මැනවින් පැහැදිලි වන්නේ
" කාත් කව්රුවත් වෙතත් සිතයි මට පාත් වෙන්න ඔය මුවට උඩින්..."
යන ගී පදයෙනි ඒ සුවදෙන් ඈත් වන්නට ඔහුට නොහැකිව ඔහු නතිව වැළපේ. එදා ඇයත් සමග තැනූ ඒ ආදර ලෝකය හෙටත් තියෙනවා. සත්තයි....ඒත් සොදුරිය ඒ ලෝකයේ දැන් සිටින්නේ මා පමණයි. මේ ලෝකයේ දැන් මට මොන සතුටක්ද ? මෙසේ සිතන මේ පෙම්වතාගේ ප්‍රාර්ථනය නම් කෙතරම් පූජනීයද?
" ආයේ දවසක එක සිත් ඇත්තන් වී අප ඉපදෙමු එකට ප්‍රියේ...."
"යලි කෙදිනක හෝ ඔබේම වී මා මගේම වී ඔබ අපේම වී අප එක සිත් ඇතිව එකටම ඉපදේවා! " මෙය පෙම්වතාගේ එකම ප්‍රාර්ථනය යි.
සදීපා එරංගි කුමානායක.
13-A.
කලා.
තෙළිතුඩින් කළ අරුම
.
3 comments:
මාත් ඉතාම කැමති සිංදුවක්. මගෙ බ්ලොග් නම විදියට දැම්මෙත් ඔය සිංදුවට ඒ තරම්ම ආස නිසා.
ඉතා සංවේදී ගීතයක්.
ගායනය හා සංගීතය සංගීත් නිපුන් සනත් නන්දසිරි මහතාගෙන්.
මම දන්නා තරමට මේ ගීතය රචනා කළ විමල් ජයශාන්ත මහතා ලියූ එකම ගීතය. මෙම සිදුවීම ඔහුගේම අත්දැකිමක් බවද වරක් ගුවන් විදුලියෙන් ඇසුවා මතකයි.
පාසලකින් බ්ලොග් අවකාෂයට එකතු වන ඔබ සියල්ලන්ට ජය පතමි.
Post a Comment