මා මේ සදහන් කරනා කාරණය මේ වන විට බොහෝ දෙනෙකුගේ හදවතින් වියැකී ගොස් ඇතැයි සිතේ. මන්ද ලාංකිකයන් බොහෝ දෙනෙකුට ඕනෑම දෙයක් පිළිබද මතක තියෙන්නේ , ඒ ගැන සොයා බලන්නේ සතියක් නැත්නම් දෙකක් නිසාවෙනි. මා මෙහි සදහන් කරන කාරණය සම්බන්ධවද එසේමය. නමුත් එය අපගේ අති ප්‍රබල දුර්වලකමක් බව සිහිතබා ගත යුතුය.
අද වන විට ජංගම දුරකතනය යන මිනිස් ජීවිතය හා බැදි ප්‍රබලම සාධකයක් වී හමාරය. නමුත් ඒ ප්‍රබල සාධකයම පසුගිය දිනෙක තවත් ශ්‍රී ලාංකේය හිරිමල් ජීවිතයක් බිලි ගත්තේ අපි සැමකෙකුටම සිතන්නට යමක් ඉතිරි කරමිනි. මේ කාරණය සම්බන්ධව විද්‍යුත් මෙන්ම මුද්‍රිත මාද්‍ය හරහාද විවිධ අයවලුන්ට චෝදනා කරනු දැක ගත හැකි විය. මේ සිදු වූ සිද්දියට තමාගේ පාර්ශවයෙන් කිසිදු රුකුලක් නොදුන් බවට ඒත්තු ගන්වන්නට බොහෝ දෙනෙකු උත්සාහ දරනු පෙනුනි.
නමුත්, කවුරුන් මා හා එකග වූවද නොවූවද මට හැගෙන්නේ මෙලෙසිනි...
මේ සිද්ධියට අඩු හෝ වැඩි වශයෙන් සම්බන්ධකම් කියනා සෑම කෙනෙකුම මේ සිදුවීමේ යම් වගකීමක් දැරිය යුතුමය. මන්ද ඔවුන් තුලින් මේ අඩුපාඩු සිදු නොවුනේ නම් මෙවන් ශෝචනීය ඉරණමක් උදා නොවෙනු ඇත. මේ සිද්ධිය පාදක කර ගනිමින් අදවන විට බොහෝ ගැටළු පැන නැගී පවතී. බහුතරයක් ශ්‍රී ලාංකිකයන් තම වපර ඇස් යොමන්නේ මෙම සිද්ධියෙහි කේන්ද්‍රීය බිම්කඩ වූ ඒ විදුමව් වෙතටය. මෙම තත්වය දැනට මේ පාසලේ සිප් හදාරන අනෙකුත් ආදරණීය නංගිලාගේ අනාගතයටද ප්‍රබලවම බලපානා බව නම් පැහැදිලි ය. ලොවම කැටි කරමින් අප දෝතෙහි තබනා ජංගම දුරකතනය ශ්‍රී ලාංකේය පාසල් ශිෂ්‍ය ප්‍රජාවට මේ හැටි ලන් නොවුනානම් යැයි සිතෙන්නේ මෙවන් අවස්ථාවලදීය .තව කාරණයක් සදහන් කලයුතුමය.
ඒ ආදරණීය දෙමාපියනි ඔබ වෙනුවෙනි,
අම්මේ තාත්තේ ඔබ දරුවන්ට ආදරය කරනවා කියන්නේ ඔවුන් වෙනුවෙන් අත දිග හැර වියදම් කිරීම නොවේ. ඔවුන් යන මග දෙස විමසිලිමත් නෙතින් බලා එහි හොද නරක පෙන්වා දීමය. ඒ කාරණය හෝ හරිහැටි ඉටුවූවා නම් මේ ආදරණීය සොයුරිය ජීවිතයෙන් පරාද නොවනු ඇත.
ඉදින් , සිදු වූ දෙය නැවත වෙනස් කල නොහැක. කල යුක්කේ නැවත මෙවන් සිදු වීමක් සිදු නොවිමට වග බලා ගැනීමයි. ඒ සදහා වැඩිහිටියන් ප්‍රමුඛ සමස්ථ ශ්‍රී ලාංකේය සමාජ පද්ධතියම සුදුසු පියවර ගනු ඇතැයි ශිෂ්‍ය ප්‍රජාව වශයෙන් අපි අපේක්ෂා කරන්නෙමු. ඒ සදහා යම් යම් තීරණ මේ වන විටද ගෙන ඇති ආකාරය අපට දැක ගත හැකිය. ඒ කාරණා එසේ සිදුවද්දී,
" සැවොම තුටු කර ලොවට සපැමිණි සැවොම හඩවා ලොවෙන් සමුගත් කිසිදා නොදුටු ආදරණීය නැගණියේ පතනෙමි ඔබට අමා මහ නිවන් සුව! "
රසාරා නිර්මාණි ජයකොඩි.
13-A
කලා.
තෙළිතුඩින් කළ අරුම
.
5 comments:
paasala namin yana blog satahanak nisa kalpanaawen liyannana, adyapanika wadhagath kamin yuthu karunu walata mul thanak dhenna
මේ සිද්ධිය පිළිබඳ සියල්ලෝම උපකල්පන කරමින් සිටිති. උපකල්පන කොට, එය ඒ ආකාරයෙන්ම සිදුවිනැයි සිතා උපකල්පනය නිගමනයක් බවට පත් කොට ගනිති. අනතුරුව එය මත පදනම්ව තීරණද දෙති.
මෙම කතාවේ දුෂ්ඨයා ලෙස ඔබ දකින්නේ ජංගම දුරකතනයයි. පාසලකට ජංගම දුරකතනයක් අනවැසි පරිදි ගෙනයාම විනය විරෝධී ක්‍රියාවක් වුවද, එය සිසුවියක ස්‍වයං-ඝාතනයක් සිදුකරගැනීමට පෙළඹවීඹට තරම් අදාළ පාසල් පරිපාලනයට අවසර දෙන්නක් නොවේ.
සියල්ලෝම අදාළ සිසුවිය මත වරද පටවන අතරතුර, වසර 45ක් තිස්සේ එහි විදුහල්පතිධූරය දැරූ තැනැත්තියද - දත්ත: බ්ලොගෝලයේ කතිකාවකට සම්බන්‍ධවූ මියුසියස් විද්‍යාලයීය ආදි සිසුවියකගෙන් - එකී පාසල් පරිපාලනයද හෙමින්සීරුවේ ලිස්සා යමින් සිටිති.
මෙයට විසඳුම ලෙස ඔබ ගෙනෙන්නේද අපූරු යෝජනාවකි, එනම් ජංගම දුරකතන teenagers වෙතින් ඉවත් කිරීමයි. අගනා විසඳුමකි. ලෙඩක් හැදුනු පසු එයට ප්‍රතිකාර කරනවාද ? රෝගියා සමාජයෙන් එළවා දමනවාද ?
ඊනියා සුචරිතවාදී සමාජයක් ගැන සිහින දැකුමෙන් වලකින්න.
ජංගම දුරකතනය ගැන මා ලියූ දේ පිලිබදව ඔබ හරිහැටි තේරුම් නොගත්තා යැයි මට සිතේ මම teenagers ලාට ජංගම දුරකතනය එපා කීවේ නැත. මා කීවේ ජංගම දුරකතන භාවිතය තුල අප මීට වඩා සදාචාරමත් විය යුතුබව පමණි. මට සිතෙන පරිදි නම් ඔබගේ ඔබගේ පරිකල්පන ශක්තිය පිලිබද මීට වඩා සැලකිලිමත් විය යුතු ය.
@ථෙරපුත්ත ජාතික පාසල:
ඔබගේ ලිපියේ අරමුණු පිළිබඳ ගැටළු මතුවේ. ඔබ මෙම ලිපිය ලියන ලද්දේ,
1. ජංගම දුරකතනය teenagers වෙත බලපාන ආකාරය සාකච්ඡා කෙරුමට ද ?
2. ඉහත සඳහන් සිසුවියගේ සියදිවිනසාගැනුම පිළිබඳ සාකච්ඡා කෙරුමටද ?
ඔබගේ මාතෘකාව 2 වන අතර, ඔබගේ ප්‍රතිචාරය සමග ලිපියද එකට තබා බැලූකල්හි, අන්තර්ගතය 1 බැව් මා හට පෙනේ.
අදාළ මාතෘකා *කිසිලෙසකින්* එකිනෙක හා සම්බන්‍ධ නොවන බැවින් ඉහත ලෙස මාතෘකා - අන්‍තර්ගත පරස්පරයක් සිදුව ඇත්නම්, ඒ පිළිබඳව අවධානය යොමන මෙන් ඉල්ලමි.
අනෙක් අතට, පොලීසිය පවසන ආකාරයට ජංගම දුරකථනය ඇගේ නොව පන්තියේ වෙනත් අයෙකුගේ බව සනාථ වී ඇත. එසේනම් එයට අදාලව මේ කරනා උපකල්පන සහ ප්‍රකාශ බලරහිත වේ.
***
ජංගමදුරකතන පිළිබඳව කතා කරනවා නම්,
[said:]
මා කීවේ ජංගම දුරකතන භාවිතය තුල අප මීට වඩා සදාචාරමත් විය යුතුබව පමණි
[/said]
සදාචාරමත්ව භාවිතා කරන්නේ කෙසේද යන්න සාකච්ඡා කිරීමට පෙර, "ජංගම දුරකතනයක් සදාචාරවිරෝධි ලෙස භාවිතා කරන්නේ කෙසේද ?" යන්න පිළිබඳ එකඟතාවයකට එළඹිය යුතුය. ඒ පිළිබඳව ඔබේ අදහස්ත
***
අමතර :
මෙය විද්‍යාලයක් විසින් පවත්වාගෙන යනු ලබන බ්ලොගයක් වන අතර, එයට ලිපි ලබාගන්නේ සිසුන්ගෙන් බව පෙනේ. යම් ලිපියක් පිළිබඳව පළ වන ප්‍රතිචාර වලට පිළිතුරු දෙන්නේ අදාළ ලිපියේ රචකයාමද යන්න ඔබ විසින් පැහැදිළිව පැවසිය යුතුය. නැතහොත්, රචකයා පසෙක සිටියදී ප්‍රතිචාරකයන් වෙත වෙන අයෙකු පිළිතුරු දීමෙන් රචකයාගේත්, ප්‍රතිචාරකයාගෙත්, පිළිතුරු සපයන්නාගෙන් ("රචකයා" != "පිළිතුරු සපයන්නා" විට,) කාලය අපතේ යාමක් සිදුවේ.
ලිපිය හා කමෙන්ට් කියවන විට මටත් හැ‍ඟෙන්නේ නම් ලිපිය ලියන්නේත්, කමෙන්ට් වලට පිලිතුරු ලියන්නේත් දෙන්නෙක් කියලයි..
Post a Comment