හොදම කාලය

" අද මේ ළමයින්ගේ කාලය මොනවගේද කියන්න මට නම් තේරෙන්නේ නෑ. විච්චූරන නාඩගම් හැම තැනම. ඒ වගේද අපේ කාලේ කොච්චර නම් අගේද? අද මේ දරැවෝ අදින ඇදුම් , අහන සංගීතය බලන වැඩ සටහන් , වැඩිහිටියෝ එක්ක හැසිරෙන විදිය නම් හරිම සවුත්තුයි . මට නම් තේරෙන්නේ නෑ මේවා ඔය විදිහට ගිහින් කොහෙන් කොහොම නවතියිද කියලා . කාලේ වැරැද්ද තමයි ඔය..."

අපේ අම්මලා තාත්තලා ඔහොම කියනවා ඔබ අනන්තවත් අහලා ඇති. ඇතැම් විට මෙය දවස ගානේ ගුවන් විදුල්යෙන් ඇසෙනා විශේෂ දැනුවත් කිරීමක් වැනිය. එනිසාවෙන්ම මේ ගැන සිතිය යුතුයැයි මටද සිතුනි. ඔවුන් සිතන්නේ ඔවුන් ගත කලළමා හා තරුණ කාලය තරම් සුන්දර යහපත් තරුණ කාලයක් නැතැයි කියාය. එහි කිසිදු වරදක් නැත. නමුත් ඔවුන් ඒ යුගය ගත කරද්දී ඒ අයගේ දෙමාපියන්ද , ඔවුන් අද අපිට පවසන දේම පැවසුවාට සැක නැත.

ඇතැම් විට අම්මලා තාත්තලා අපිට එසේ අවවාද දෙද්දී " අනේ උඹලත් ඔය වයසේදි ඔයිටත් වඩා දේවල් කරා නොවැයි." අපේ ආච්චිලා සීයලා පවසන්නේ ඒ නිසා විය හැක.අද මෙලසින් කීවද අනාගතයේ යම් දවසක අපද වැඩිහිටියන් වූ යුගයක ඔය වාග් මාලාවම අප විසින්ද අපේ දරුවන්ට කියනු ඇත. එදාට අපිට අපගතකල ළමා හා තරුණ කාලය තරම් සුන්දර ලෙස අපේ දරුවන්ගේ යුගය නොගෙවෙනු ඇත.

මේ සිදුවීම එදත්, අදත්, හෙටත් ‍වෙනසක් නොමැතිවම සිදුවනු ඇත. ඒ අයට තමා ගතකල ළමා කාලය තාරුණ්‍යය තරම් සුන්දර යුගයක් තවත් නැත . එනිසාම තමාගේ ජීවිතේ ඒ ඒ යුගයන් ගැන පවසමින් වත්මන් යුගයේ අඩුපාඩු දැකීම වරදකි . මන්ද උදාවන හැම යුගයකින්ම ගත යුත්තක් තිබෙන නිසාවෙනි .

රසාරා නිර්මාණි ජයකොඩි.
13-A
කලා.