වෙන ඕන දෙයක් වෙච්චාවේ
අහස කඩාගෙන වැටුනාවේ
ගනන් ගන්න එපා ඕවා සුළු දේවල්
හිනා වෙලා අපි ඉදිමු ඉතින්......
ඔය තියෙන්නේ අපේ කට්ටියගේ ආදර්ශ පාඨය. ලොකේ පෙරලෙනවා කිව්වත් " ආ පෙරළෙද්දෙන් " කියලා ඉන්න ජාතියේ සෙට් එකක් තමයි අපේ සෙට් එක .ඒ තරම් සර්ව සුබවාදියි. හැබැයි ඉතින් ඔය සෙට් එක අස්සේ එක එක ජාතියේ අය ඉන්නවා.
මේ සෙට් එකට නායකයො නම් නෑ...මොකද හැමෝම නායකයො නේ...ඉන්නේ සාමාජිකයෝ විතරයි. එක එක තාලේ අයගේ එක එක වැඩ බලා ගන්න නම් ඉතින් මීට වඩා හොද තැනක් තවත් කොහෙන්ද? ඔය අයගෙන් කීප දෙනෙක් ඉස්කෝලෙට එන්නේ කුකුළා අතින් අරන්. අනිත් අය නම් යාන්තමට පරෙස්සමෙන් 7.20 ට විතර ඉස්කෝලෙට එනවා. ආපු ගමන් ඉතින් අවුරුදු ගානක් නොදැකපු අය වගේ අත් අල්ලගෙන , කරට අතදාගෙන කට්ටියම බර කතාව. හැබැයි ඉතින් මීට කලින් දවසෙත් මේ අය මේ විදියටම හමුවුන බව වටේ ඉන්න කොයි කවුරුත් දන්නවා. දන්නවාද සෙට් එකේ එක් එක්කෙනාට අන්වර්ථ නම් පවා තියෙනවා. ඒ තරම් අපේ අය දියුණුයි. කට්ටෝ , ඥාව්වෝ...මෙකී නොකී ගොඩ දෙනෙක් ඉන්නවා.
මේ අය ඉන්නේ නම් " Any thing... Any time " කියාගෙන . හැබැයි ඉතින් ඒවයේ හැටි දන්නේ මෙයාලව දන්න අදුනන අයම තමයි. සෙට එකේ ගොඩ දෙනෙක් ඉස්කෝලේ ලොකු ලොකු තනතුරු දරන උදවිය. තනතුරු තාන්න මාන්න ආදියෙන් නම් මේ අයට අඩුවක් නෑ. ඒ වගේමයි වැඩ වැරදිලා බැනුම් අහන්න ගියාමත් ඒකෙනුත් අඩුවක් නෑ.
කොහොම වුනත් මේ සෙට් එක ආශ්රය කරලා බලන්න වටින සෙට් එකක්....
රසාරා නිර්මාණි ජයකොඩි.
13-A
කලා
෴ වික්ටර් හියුගෝ ෴
7/28/09
Subscribe to:
Post Comments (Atom)
෴ රවින්ද්රනාත් තාගෝර් ෴
"කලාව යනු නිර්මාණශීලී මනුෂ්යාත්මය යථාර්තයේ කැඳවුමට දක්වන ප්රතිචාරයයි.එය බාහිර යථාර්තයේ අනුකරණයක් නොවේ.එය යථාර්තයට දක්වන ප්රතිචාරයයි."
෴ විලියම් වර්ඩ්ස්වර්ත් ෴
"කලාවේ අරමුණ සත්ය ප්රකාශ කිරීමයි.එය ප්රකාශ කරන්නේ හුදකලා හා ප්රාදේශීය සත්යය නොව පොදු හා ව්යාප්ත සත්යයයි. බාහිඑ සාක්ෂ්ය මත රඳා පවතින සත්යය නොව මනෝභාව මගින් හදවත තුළට ජීවමානව ගෙන යනු ලබන සත්යයයි."
෴ මහා කවි ගර්තේ ෴
"කලාකරුවා සොබාදහම සමඟ දෙවැදෑරුම් සබඳතාවක් පවත්වයි.එක් විටම ඔහු ඇගේ ස්වාමියා ද වහලා ද වන්නේය."
2 comments:
අපෝ ඹය සෙට් එක මං හිතව සෙට් එකනම්
කථා කරලා වැඩක් නෑ
ඇත්තටම මේ සෙට් එක හොද සෙට් එකක් තමයි.ඒත් එදා හිටිය අයගෙන් එක්කෙනයි මෙතන ඉන්නේ.
Post a Comment