ථෙරපුත්ත ජාතික පාසල: නිදි නොඑන රාත්‍රියේ

කියවිය යුතුම අපේ කතුවැකිය

භාෂාවක අග්‍ර ඵලය ඉන් බිහි වන සාහිත්‍යයයි.සාහිත්‍යය මානසික තෘප්තිය හා වින්දන ශක්තිය වඩා ඵලදායී ලෙසත්,තිව්‍ර ලෙසත් වර්ධනය වීමට තුඩු දෙන විෂයකි.එය මානව හැඟීම් ජනිත කිරීමට ද, මිනිස් සබඳතා අර්ථවත් ලෙස ගොඩ නැගීමට ද මග පෙන්වන විශ්ව භාෂාවයි.කමනීය ජීවන රටාවක් හා දර්ශනයක් ඇති මානව සම්පතක් බිහිවන රස පදාර්ථය ද එයයි.සාහිත්‍යයෙන් භාෂාවත්,භාෂාවෙන් සාහිත්‍යයත්, නිබඳව පෝෂණය වේ. මිනිස් ඉතිහාසයේ සටහන් වී ඇති ශ්‍රේෂ්ඨතම නිර්මාණය භාෂාව වන අතර එය සියලු මිනිස් නිර්මාණවල පදනම ද වන්නේය.
ප්‍රවාහයක් මෙන් ඉදිරියට ගලා යෑම සාහිත්‍යයේ ස්වභාවය නම් එය නිතිපතා නවීකරණය විය යුතුය.භාෂාවේ හෝ සාහිත්‍යයේ නැවුම් වීමක් නොවන්නේ නම් එහි විකාශන හා ප්‍රකාශන ශක්තිය සීමා වේ.
වඩාත් ප්‍රතාපවත් භාෂා සාහිත්‍යයෙන් පිරි හෙටක් දැකීම අපේ පැතුමයි.සිංහල භාෂාවට සාහිත්‍යයට ලැදි සහෘද ඔබ වෙනුවෙන්,"අමාවකට පසු....." දිදුළන සුපුන් සඳ නුහුරු පරිගණක තිරය මත අපේ දෑතින් සටහන් වන්නේ පැතුම වෙනුවෙන් වූ මෙහෙවර සැපිරීමටය.දිදුළන එ'සඳින් ථෙරපුත්ත විදුහල් මෑණියන්ට යම් අභිමානයක් ගෙන දේ ද, එය අප දිරිමත් කරන "අමාවකට පසු....." කියවන සහ අපට ලියන සහෘද ඔබ සැමගේ ශක්තියේ කාන්තිය ද ව‍න්නේය.
සාහිත්‍ය සංගමය
හ/ථෙරපුත්ත ජාතික පාසල
අම්බලන්තොට
****************************************************************************************************

7/24/09

නිදි නොඑන රාත්‍රියේ

නිදි නොමැති රාත්‍රියේ
පුරාතන ගද්‍ය,නුතන පද්‍ය
පැටලිලා ජරමරේ
මාක්ස්වාද,ලිබරල්වාද
පාඩම් බැලීමට යැයි
ජෝන් ලොග්,ඇරිස්ටෝටල් අඩගසයි....
සමාස සන්ධි,සන්දේශ කවි
කට පාඩම් කිරීමට යැයි
සිංහල භාෂාව කෑගසයි
අසිරිමත් බුදු සිරිත පිළිබද
රස විදින්නට බුදු උපත
බෞද්ධ ශිෂ්ටාචාරය කෑ ගසයි
මහ මැතිවරණ ,ආණ්ඩුක්‍රම
විමසුමට ලක්කල හොදයි සමාජය
මොර දෙද්දී දේශපාලන විද්‍යාව
මනමේ නාටකය ඇවිදින් මතකයට
පහව යැයි නිදිමත ගතිය
මේ සියලු පාඩම් අතර මා
අතරමං වී,තනි වෙලා
නිදි දෙව්දුව පලවා හැර
වෙහෙසවෙමි මා නිරතුරුව
ජය ගැනීමට හෙට දිනය ......

සදමිණී තාරකා
13-A
කලා