සදීගේ තතු විත්ති

මෙයත් ඉතින් අපේ සෙට් එකේ ඉන්න මහා මොල කාරයන්ගෙන් එක්කෙනෙක් මෙයාට තියෙන්නේ නම් හැබැයි ටිකක් විතර අමුතු අදහස් . ඒවා තේරුම් ගන්න ඉතින් අපිම ඉන්න ඕන.
එක එක දේවල් ගැන අමුතු අමුතු අර්ථකතන දෙන්නත් මෙයා හරි හපනා. ඒ වගේමයි අපේ සදී පූසන්ට හරි ආසයි. ඒකට හේතු කාරණා හොයන්න ගියොත් නම් ඉතින් අපිත් අතරමං වෙනවා. හැබැයි ඒවා කොහොම වුනත් කෙටියෙන්ම කියන්න තියෙන්නේ " ඥාව් " සද්දෙට පවා මෙයාගෙ හදවතම සතුටින් ඉපිලෙනවා කියන එක තමයි.පූසෝ ගැන වගේම සංගීතය ගැනත් මෙයාට තියෙන්නේ විශේෂඥ දැනුමක් . දන්නවා ද?..... මෙයා ගොඩක්ම ආස කරන්නේ..
" දෑස වසාගමි ඔබ නොපෙනෙන්නට...."
කියන ගීතයට.
හැබැයි රජෝ මෙයාගේ සමහර වැඩ නිසා මෙයාව නොපෙනෙන්නට අපිට තමයි ඇස් වහගන්න වෙලා තියෙන්නේ.අපේ සදී යාළුවන්ටත් ඉතින් බොක්ක තමයි . මල් කඩන්න ......පැන් ඉහින්න.....පොහොර දාන්න.....මෙයා අපේ ගොඩක් friendzලට Full බකප් එක දෙනවා. හැබැයි ඉතින් තාම එයාට වෙච්ච සෙතක් නම් නෑ.පාසලට පැමිණීම අතිනුත් මෙයා බොක්ස් ඔපිස් වාර්තා තියපු කෙනෙක් . ඉස්කෝලේ ලොකු තානාන්තරයක් දැරුවට මොකද සදීගේ පැමිණීම නම් ඉතින් රතු ඉරකින් තමයි මාක් වෙන්නේ.
මේ ලගදි දවසක මෙයා අපේ තවත් යාළු fit එකට පොඩි help පාරක් දෙන්න ගිහින් තව ඩිංගෙන් හොද බකට් එකක් පෙරල ගන්නවා. හැබැයි ඉතින් එක අතකට ඒකෙත් පුදුම වෙන්න දෙයක් නැ.දාගත්තොත් සදී දාගන්නෙම බකට් එකක් නේ...
ආදරය... ප්‍රේමය... ගැනත් මෙයාට තියෙන්නේ පුළුල් විඥානයක් .ඒ විඥානයේ තරම කොච්චරද කියනවානම් ප්‍රේමයෙහි ආදරයෙහි වෙනස ගැන කියන්න ගිහින් ආදරය දේවත්වයෙන් සලකන අපේ එකෙකුගෙන්ම තව පොඩ්ඩෙන් මෙයා ගුටි කනවා.
ආ කියන්න අමතකවුනා නේ?
අපේ සදී කකුල් දෙක වතුර බේසමක ඔබාගෙන එළිවෙනකන් STUDY වැඩ. ඒකට කමක් නෑ කියමුකෝ ඒත් රෑ තිස්සේ සිද්ද වෙන මෙයාගේ මේ පාඩම් කිරිල්ල නිසා දුක් විදින්නේ අපි.අනේ...රෑ තිස්සේ හරිම අහිංසක හීන දැක දැක නිදාගන්න අපේ නින්ද කඩන්න මෙයා දිගට හරහට RING CUT දානවා . ඉතින් ඒ වෙලාවට මල් හතයි ආ....

ඔය පොඩි පොඩි පිස්සු වැඩ තිබුනට මෙයාට දේශපාලන විද්‍යාව ගැන එහෙම තියෙන්නේ හරිම ප්‍රාචීණ දැනුමක් ඒ දැනුම කොයි තරම්ද කියනවානම් " දේශපාලන විද්‍යාවේ පියා කව්ද කියලා දවසක් සර් අපෙන් ඇහුවාම, පැනපු ගමන් මෙයා ඉදන් අහනවා සර් දේශපාලන විද්‍යාවේ උපන් දිනය හරියටම කවදද සිද්ද වුනේ කියලා.ඕන් ඉතින්...ඒකෙත් හැටි...තව එකක් කැන්ටිම පැත්තේ ගියොත් අපේ සදීගේ ඇහැ යන්නේම පාන්වලට අපේ අනිත් අයගෙනම් අදහස මෙයා සංසාරේ කොතැනක හරි බේකරියක වැඩකරලා තියෙනවා කියන එකයි .ඇයි අනේ එහෙම නොහිති තියේවිද පාන් දැක්කම මෙයාගේ ඇස් දිළිසෙන හැටි දකින කොට.අම්මෝ.... මෙයා ගැන කියන්න නම් ඉතින් බ්ලොග් එකත් මදිවෙයි දැන් මේ ඇති නේද?

මේ මොන මොන problems තිබුනත් සදී කියන්නේ ඉතින් හිත හොද කෙල්ල. මෙයාට නම් ඉතින් ඒකායන පරමාර්ථ මහා ගොඩක් තියෙනවා . ඒවා හැම එකක්ම ඉතින් සාර්ථක වෙන්න කියලා ඔන්න මම හදවතින්ම සුබ පතනවා.

මේ ඔයාගෙම ආදරණීය ( -------- )

රසාරා නිර්මාණි ජයකොඩි.
13-A
කලා