කදුළු
කඳුළු ගැන එක එක අය එක එක විදියේ අර්ථකතන දෙනවා. ඒ මොන අර්ථකතන දුන්නත් දුක් කඳුළු , සතුටු කඳුළු මේ හැම එකක්ම අපේ ජීවිතවලට හරි ලඟයි. ජීවිතේ ගොඩාක් වෙලාවල්වල අපේ දෑස් අද්දර රැ‍ඳෙන මේ කඳුළ අපේ ජීවිතවල නොකී කතාවක් දරාගෙන ඉන්නවා කියලා මට හිතෙනවා. හැබැයි ඉතින් කඳුළු ගැන විද්‍යාත්මක ඇහෙන් බලන කෙනෙක් නම් මා එක්ක එකඟ වෙන එකක් නැහැ. කමක් නෑ............................ ඔය කාට කාටත් කොහොම උනත් මට නම් කඳුළ ගැන හිතෙන්නේ මෙහෙමයි, අපිරිමිත වූ සතුට ලඟත්
අසීමිත වූ දුක ලඟත්
මට මෙන්ම අන් හැමටම
තනිය මකන්නට රැඳුනේ
අන් කිසිවෙකුවත් නොව
උණුසුම් වූ නුඹ පමණකි
එනිසාම දනිමි මම නම්
කඳුළ, නුඹේ ඇති වටිනාකම
තව ටිකක් හිතන්න ......මට වගේම ඔයාලටත් දැනේවි කඳුළ හරි වටිනා දෙයක් බව. ජීවිතයට බොහෝ ම සමීපවුන හිතමිතුරෙකු බව. රසාරා නිර්මාණි ජයකොඩි.13-Aකලා
෴ රවින්ද්‍රනාත් තාගෝර් ෴
"කලාව යනු නිර්මාණශීලී මනුෂ්‍යාත්මය යථාර්තයේ කැඳවුමට දක්වන ප්‍රතිචාරයයි.එය බාහිර යථාර්තයේ අනුකරණයක් නොවේ.එය යථාර්තයට දක්වන ප්‍රතිචාරයයි."
෴ විලියම් වර්ඩ්ස්වර්ත් ෴
"කලාවේ අරමුණ සත්‍ය ප්‍රකාශ කිරීමයි.එය ප්‍රකාශ කරන්නේ හුදකලා හා ප්‍රාදේශීය සත්‍යය නොව පොදු හා ව්‍යාප්ත සත්‍යයයි. බාහිඑ සාක්ෂ්‍ය මත රඳා පවතින සත්‍යය නොව මනෝභාව මගින් හදවත තුළට ජීවමානව ගෙන යනු ලබන සත්‍යයයි."
෴ මහා කවි ගර්තේ ෴
"කලාකරුවා සොබාදහම සමඟ දෙවැදෑරුම් සබඳතාවක් පවත්වයි.එක් විටම ඔහු ඇගේ ස්වාමියා ද වහලා ද වන්නේය."
No comments:
Post a Comment